ОХУ-ын Курганы иргэн Олес Подкорытова “Боинг” онгоцоор зорчиж явах үедээ авсан зургаа сүлжээгээр тараасан нь дуулиан шуугианы эх болжээ. Бүсгүйн хэлснээр бол саявтар томилолтоор явж байхдаа онгоцонд селфи хийж авсан зургаа хожим нь үзтэл ер бусын зүйл нүдэнд нь туссан гэнэ.
“Би энэ зургаа сүлжээнд оруулсан чинь бөөн асуултад дарагдаж, янз бүрийн сэтгэгдэл бичээд эхэлсэн. Үүний дараа л миний ард зурган дээр юу гарсныг би харсан” гэж бичжээ.
Зургийг үзсэн хүмүүс бүсгүйн ард зорчигчийн суудалд дээр байгаа сонин дүрсийг зарим нь харь гаригийг хүн гэж байгаа бол, нөгөө хэсэг нь хий үзэгдэл гэсэн байна. Гэтэл нэг хэсэг нь бүр сонин тайлбар хийж энэ бол зүгээр л гэрлийн хугарал гэсэн нь ч байна.
Сэтгүүлчид үүний учрыг олчих санаатай нислэгийн “Логовушка” төвийн шинжээч, Як-40 нисэх онгоцны дарга байсан Виктор Луневт хандаж асуухад “Нисгэгчид уг нь янз бүрийн зүйлд итгэмтгий улс. Гэхдээ минийхээр бол энэ зурган дээр онцгой зүйл алга. Зорчигчийн эд зүйл байсан нь гэрэл муугаас ч юм уу, цаасны чанараас болоод ийм харагдаж байгаа байх” гэж хэлжээ.
Тэр бас “Би иргэний онгоцоор 15 мянган цаг ниссэн. Миний ажигласнаар бол  гэрлийн хугарал мэт физикийн хуультай л холбоотой байдаг. Намайг нисч явахад онгоцны минь хажуугаар яг ижил онгоц нисээд байсан тохиолдол бий. Тэр бол агаар дахь усны дуслуудад л тэгэж харагдсан хэрэг” гэж нисгэгч ярьсан байна.