Олон улсын хөлбөмбөгийн холбооны ерөнхийлөгч  Йозеф Блаттер хөлбөмбөгийн ертөнцөөс бүрмөсөн явж байгаагаа мэдэгдлээ. “Би хөлбөмбөг дэх өөрийн ажлаа дуусгаж байна. Би энэ байгууллагад өөрийн бүх хүч чадал, итгэл үнэмшлээ зориулсан, харамсалтай нь тавдугаар сарын 27-нд америкийн хууль сахиулах байгууллагууд миний ажилд садаа болсон” гэж Блаттер хэлснийг The Wall Street Journal дамжуулжээ.

Үүний өмнө Олон улсны хөлбөмбөгийн холбооны ёсзүйн хорооны шийдвэрээр Блаттерийг 50 мянган швейцари франкаар торгоод хөлбөмбөгийн ажлаас нь чөлөөлсөн гэж мэдээлсэн юм. Европын хөлбөмбөгийн холбооны тэргүүн Мишель Платенийг ч бас 80 мянган швейцари франкаар торгож ажлаас нь чөлөөлжээ.
Энэ оны тавдугаар сарын сүүлчээр болох байсан Олон улсын хөлбөмбөгийн холбооны ерөнхийлөгчийн сонгуулийн өмнөхөн америкийн тусгай албаны оролцоотойгоор Цюрихын цагдаагийн газар Олон улсын хөлбөмбөгийн холбоо /ФИФА/-ны гүйцэтгэх хорооны гишүүдийг авлигын хэрэгт буруутган баривчилсан юм.
Гэсэн ч ерөнхийлөгчийн сонгуульд Блаттер ялсан, гэхдээ хэдэн хоногийн дараа өөрөө огцрох тухайгаа мэдэгдсэн юм.

1998 оноос хойш Йозеф Блаттерийн  тэргүүлж Олон улсын хөлбөмбөгийн холбоо /ФИФА/-ны шинэ ерөнхийлөгчийн сонгууль 2016 оны хоёрдугаар 26-нд хуралдах тус байгууллагын ээлжит бус конгрессын үеэр болох юм байна.