Өнгөрсөн сард дэлгэцэнд гарсан “Оддын дайн-7”  кино АНУ-д мөнгөн орлогоороо өмнөх амжилтуудыг эвдэн урагшилсаар байна. Тэрээр эхлээд ”Юрийн галавын ертөнц”-ийг гүйцсэн бол хамгийн сүүлд орлого нь 690 сая доллар болж  “Титаник”-ийг ардаа орхисон байна.

Энэ кино дэлгэцэнд гарсан өдрөө л 35 сая доллар цуглуулж байсан нь Америкт урьд өмнө нь тохиож байгаагүй үзүүлэлт.
Өнгөрсөн гурван долоо хоногт “Оддын дайн-7” америкийн прокатаас 690 саяыг цуглуулсан бол дэлхийн зах зээлээс нэг тэрбум долларын орлого олоод байгаа юм.
Судлаачид энэ кино тун удахгүй 100 сая доллар нэмж цуглуулаад америкийн зах зээлд “Аватор”-ыг гүйцэж түрүүлнэ гэж таамаглаж байна. 

Харин дэлхийн зах зээл дээр бол энэ кино “Титаник”, “Аватор”-ыг гүйцэж түрүүлэх яагаа ч үгүй, ердөө долдугаар байранд л явж байгаа юм байна.