Оросын мэдээллийн РИА Новости агентлаг өмч хөрөнгийн талаархи 2015 оны  хамгийн сонирхолтой 10 мэдээ "РИА Недвижимость. Топ-10” гэдгийн  “Оны бартер” гэдэгтээ нийслэл Москвагийн Улаан талбай дахь маршал Жуковын морьтой хөшөө алсад зорчиж магадгүй байна гэж оруулжээ.
Энэ мэдээнд “Жуковын дурсгалыг хүндэтгэх нийгэмлэгээс бүр 2014 онд Улаан талбай дахь маршал Г.К.Жуковын хөшөөг өөрийн нь төрсөн нутаг Калугт шилжүүлэх тухай асуудал Москва хотын удирдлагад тавьж байсан. Харин 2015 оны хоёрдугаар сард Монгол Улсаас ОХУ-д суугаа  Элчин сайд Ш.Алтангэрэл тэр хөшөөг Улаанбаатарт шилжүүлж өгөн үү гэсэн хүсэлт гаргаж байсан юм. Элчин сайд энэ тухайгаа Жуков бол Монгол Улсын баатар, Улаанбаатар хотын хүндэт иргэн хүн. Тэрээр Калугт төрсөн шигээ, монголын цэргийн жанжин хүн. Та нар түүний хөшөөг Калугт шилжүүлэхгүй гэвэл Улаанбаатарт шилжүүлж болно шүү дээ гэж хэлсэн” гэж бичжээ.

 ЗХУ-ын дөрвөн удаагийн баатар, маршал Георгий Константинович Жуковын дурсгалд зориулан уран барималч В.М.Клыковын бүтээсэн эл морьтой хүрэл хөшөөг Аугаа их Эх орны дайны ялалтын 50 жилийн ойг тохиолдуулан 1995 онд Манежийн талбайд босгосон юм.
2014 оны аравдугаар сард Москва хотын Думын Дүрслэх урлагийн байнгын хороо энэ хөшөөг Калуга хотод шилжүүлж оронд нь Жуковын өөр хөшөө босгох саналыг дэмжсэн юм байна.