Жүдо бөхийн насанд хүрэгчдийн 2016 оны Улсын аварга шалгаруулах тэмцээн Орхон аймгийн “Хангарьд” ордонд эхэлж байна. Уг тэмцээн энэ сарын 10-ыг дуустал хүртэл үргэлжилнэ.

Энэ удаагийн Улсын аварга шалгаруулах тэмцээнийг Орхон аймаг байгуулагдсаны 40 жил, Ази тивийн анхны аварга, Атлантын олимпийн хүрэл медальт, Монгол Улсын гавьяат тамирчин Д.Нармандахын зуны олимпиос медаль хүртсний 20 жилийн ойд зориулж Монголын жүдо бөхийн холбоо, Орхон аймгийн ЗДТГ, Орхон аймгийн жүдо бөхийн холбоо, Хангарьд спорт хороо хамтран зохион байгуулж байна.

Энэ тэмцээнээр:

Эрэгтэй: -60кг, -66кг, -73кг, -81кг, -90кг, -100кг, +100кг
Эмэгтэй: -48кг, -52кг, -57кг, -63кг, -70кг,-78кг, +78кг жингийн улсын аваргууд тодрох бол  -66кг, -73кг, -81кг, -90кг, -+90кг жинд эрэгтэй, 52кг, -57кг, -63кг, -70кг, +70 кг-ын жинд улсын аварга эмэгтэй багууд шалгарна.

Улсын аварга шалгаруулах тэмцээнд хот хөдөөгийн 32 багийн 286 тамричин  хүч үзэн өрсөлдөж байна.