Хятадын 85 настай өвгөн Аншань дахь байшингаа 200 мянган юаниар зараад хүүгийндээ амьдрахаар ирсэн байна.  Хүү Чен нь аавыгаа байшин зарсан мөнгөө банкинд хадгал гэсэн ч өвгөн зөвшөөрсөнгүй харин хүүхдүүд нь бүх мөнгийг нь авах гэж байна хэмээн уурлаж мөнгөө хүн авахын аргагүй, шинэ жилийн цасан ширхэг шиг  хэсэглэн урж сүйтгэжээ.
Хүүхдүүдээ эзгүй байхад нь энэ ажлаа хийж тэднийг ирэхэд өвгөн нийт мөнгөнийхөө 140 мянгыг нь /21300 доллар/ урчихсан байж. Тэрээр дэвсгэрт бүрийг хэдэн арван хэсэг болгон жижиглэсэн гэнэ.
Хүү Чен эхнэртэйгээ хамт гурван сарын турш өдөрт 17 цагаар сууж дэвсгэрт бүрийн хэсгүүдийг олон эвлүүлэн нааж нийтдээ 1080 дэвсгэртийг сэргээж чаджээ.

Ингээд энэ нэгдүгээр сарын эхээр  эвлүүлж наасан дэвсгэртүүдээ солиулж, арай урж амжаагүй мөнгөтэй нь хамт банкинд хадгалуулсан байна.
Харин аав нь энэ удаа энэ мөнгийг урахыг хүсээгүй гэж Чен орон нутгийн телевизээр ярьсныг mashable.com сайт мэдээлжээ.