Рио-де-Жанейрод энэ зун болох Олимпын тоглолтоос алтан медаль хүртэх тамирчиндаа ОХУ-ын Засгийн газар  дөрвөн сая рублийн шан амлаж байна.
Энэ тухай ОХУ-ын Засгийн газрын тэргүүн Дмитрий Медведевийн гарын үсэг зурсан шийдвэрийг албан сайтдаа байрлуулснаар энэ хоёрдугаар сарын 1-нээс хүчин төгөлдөр болж байгаа юм байна.

Энэ баримт бичигт дурдсанаар бол Олимпоос  алтан медаль хүртсэн тамирчинд дөрвөн сая, мөнгөн медаль хүртвэл 2,5 сая, хүрэл медаль хүртэгсдийг 1,7 сая рублиэр урамшуулах гэнэ.

Харин дасгалжуулагч, бусад мэргэжилтнүүдийн шагналыг ОХУ-ын Спортын яам, Оросын паралимпын хороотой хамтран тодорхойлох юм байна.

Зуны Олимп-2016 бразилийн нийслэл Рио-де-Жанейрод наймдугаар сарын 5-21-ний өдрүүдэд болох бол паралимп нь есдүгээр сарын 7-18-ны хооронд болно.