Энэ хавар зургийг нь авч эхлэх ОХУ-ын ерөнхийлөгчийн тухай “Путин” киноны гол дүрд тоглохоор дөрвөн жүжигчин өрсөлдөж байна гэж америкийн Knights bridge Entertainment компанийн топ-менежер Валерий Саарян РИА Новости агентлагт мэдэгджээ.

Владимир Путины дүрд тоглоно хэмээн үүний өмнө холливудын жүжигчин Леонардо Ди Каприо нэгдүгээр сард немцийн Welt am Sonntag хэвлэлд ярилцлага өгөхдөө мэдэгдэж байсан.

Харин Саарян “Бид ямар ч мэдэгдэл өгөөгүй, Ди Каприо ийм зөвшөөрөл хаанаас авсныг мэдэхгүй. Магадгүй тэр германы хэвлэлд өгсөн ярилцлагаа ингэж бодож байж болох юм. “Оскар”-ын хоёр ч шагналтай найруулагч хийх энэ киноны Путины дүрийн төлөө дөрвөн ч жүжигчинг ярьж байгаа” гэж хэлжээ.  

Тэр бас киноны төсөл, зохиолын талаар Путинтай зөвлөлдөөгүй байгаа ч ОХУ-ын ерөнхийлөгч энэ киног хийхэд бэлэн гэсэн байна. “Энэ бол уран сайхны ккино болохоор зөвшилцөх шаардлагагүй. Шаардлагатай бол энэ мэтийг манай хуульчид шийдчихнэ” гэж Knights bridge Entertainment-ийн төлөөлөгч хэлсэн байна.