Чайковскийн нэрэмжит XV удаагийн олон улсын хөгжмийн наадмын гранпри шагналт, Монгол Улсын Гавьяат жүжигчин, Буриад улсын ардын жүжигчин, ОХУ-ын Марийнский театрын гоцлооч Г.Ариунбаатар Ж.Бизе “Кармен” дуурьт Эскамелиогийн дүрийг бүтээхээр болжээ. Тус дуурь энэ  сарын 20-нд Санктпетрбург хотын дуурийн театрт ганцхан удаа тоглогдох аж. Тэрээр энэ тухай өөрийн цахим хуудсанд  нийтэлсэн байна. Урлагийн олимпын тайзнаа Ж.Россини “Севилийн үсчин” дуурийн Фигаро ариг амьдруулж, дэлхийн дуурийн одууд, үзэгчдийг алмайруулсан тэрээр мөн “Марийнский” театрын тайзнаа тавигдах гэж буй “Тоска” дуурьт дуулах юм.