Америкт жил бүр уламжлал болж зохион байгуулдаг шилдэг нохой шалгаруулах  Westminster Kennel Club тэмцээн болж АНУ-ын өнцөг булан бүрээс  эзнээ дагаж ирсэн 2,7 мянган нохойноос Сижей /CJ/  нэртэй тачир үст пойнтер нохой түрүүлжээ.
Гурван настай Сижей тэмцээнд оролцохоор өөрийн эзний хамт Калифорни мужаас Нью-Йоркийг зорьж иржээ. Эзнийх нь хэлснээр бол Сижей гэдэг нь California Journey буюу “Калифорнигоор аялах нь” гэсэн үгийн товчлол гэнэ.

Тэмцээний ялагчид “America"s Dog” гэсэн нэр хайрлаж жилийн туршид төрөл бүрийн гэрэл зургийн болон теле шоунд оролцох эрх олгожээ.
Харин шагналд нь мөнгөн таваг, Нью-Йоркийн хамгийн шилдэг зоогийн газрын нэгд давтсан мах идэх эрх өгдөг байна. Өөр ямар нэгэн мөнгөн шагнал өгдөгүй дүрэмтэй гэнэ.

Улсын гол нохой шалгаруулах Westminster Kennel Club Show тэмцээн Нью-Йорк хотноо 1877 оноос хойш болж байгаа юм байна. 1948 оноос хойш энэ тэмцээнийг телевизээр шууд дамжуулдаг болжээ.