Америкийн Огайо мужийн Колумбус хотын  иргэн 66 настай Данте Сойю 2009 оноос хойш өөрт нь элдэв бэлэг, илгээмж явуулаад мөрдөж мөшгөөд байна хэмээн холливудын жүжигчин Гвинет Пэлтроу гомдол гаргасныг Лос Анжелосын шүүх авч үзээд хэрэгсэхгүй болгосон байна.
 
Данте Сойю  17 жилийн өмнөөс л жүжигчин бүсгүйд хайртайгаа хэлж сэтгэл зүрхээ илэрхийлсэн захидал илгээж, ном, гоёл чимэглэл зэрэг сайхан бэлэг явуулдаг болжээ. Пэлтроу түүнээс нийтдээ 60 гаруй илгээмж хүлээн авсан гэнэ.
Кино од эхлээд амь насандаа санаа зовж айж эхэлсэн гэнэ. Сойю бас жүжигчин бүсгүйд 17 жилийн өмнө порно гэрэл зураг, хэтэрхий илэн далангүй бичвэр бүхий захидал ч илгээж байжээ.

2000 онд жүжигчний шүтэн бишрэгч “хайрт”-ыг сэтгэл мэдрэлийн эмнэлэгт илгээсэн ч тэрээр эмнэлгээс гарч ирсэн даруйдаа дахиад л Пэлтроуг мөрдөн захидал, илгээмжээ явуулдаг болсон гэнэ.