Б.БУЯНДАЛАЙ

Туялзуур сэлэмний насанд хүрэгчдийн УАШТ өнгөрсөн амралтын өдрүүдэд боллоо. Тус тэмцээнд зургаан клубийн 100 гаруй тамирчин өрсөлдөв. Эрэгтэйчүүдийн ангилалд Ц.Жигжидсүрэн түрүүлж, Б.Амарболд мөнгө, Б.Бат-Эрдэнэ, О.Батхүү нар хүрэл медаль хүртэв. Эмэгтэйчүүдийн ангилалд Б.Гэрэлмаа аваргалж, энэ тэмцээний гурав дахь түрүүгээ авлаа. Тэрээр “Инчён-2014” Азийн наадамд шигшээ 14-т шалгарсан манай шилдэг тамирчин юм. Харин Б.Цолмон мөнгө, А.Халиунаа, М.Нямжаргал нар хүрэл медалиар энгэрээ мялаалаа. Сонирхуулахад, саяхан болсон өсвөр үе, залуучуудын Азийн АШТ-ий үеэр А.Халиунаа олон улсын шүүгчийн болзол хангасан юм.