Монголын үндэсний циркийн жүжигчид өнгөрсөн зургаан сарын хугацаанд олон улсын дээд зэрэглэлийн циркийн тэмцээнээс таван цом хүртээд байна. Тухайлбал, ОХУ-ын Идол тэмцээнээс Т.Номуунбаатар ахлагчтай жүжигчид мөнгөн цом, БНХАУ-ын Вучиао тэмцээнээс Б.Золбаяр ахлагчтай жүжигчид мөнгөн цом, Францын Масси тэмцээнээс Ц.Пүрэвжаргал ахлагчтай жүжигчид алтан цом, Испанийн тэмцээнээс Т.Номуунбаатар ахлагчтай жүжигчид алтан цом, ОХУ-ын Ижевскийн тэмцээнээс Т.Номуунбаатар ахлагчтай жүжигчид тус тус алтан цом аваад байгаа билээ. Энэхүү амжилтаа Монголын үзэгч, ард түмэнтэйгээ энэ сарын19-нд хуваалцахаар болсон байна.