Б.БУЯНДАЛАЙ

Буриад улсын Ерөнхийлөгчийн нэрэмжит чөлөөт бөхийн олон улсын тэмцээн энэ сарын 10-13-нд боллоо. Тус тэмцээнд оролцсон манай тамирчдаас эрэгтэйчүүдийн 65 кг-д Б.Номин алт, 70 кг-д Б.Батзориг, 86 кг-д Л.Төртогтох нар мөнгө, 65 кг-д Б.Батмагнай, 97 кг-д М.Билгүүдэй нар хүрэл медалиар энгэрээ мялаав. ДАШТ-ий мөнгөн медальт Б.Номин эхний тойргуудад Самара мужийн Григор Серопян, Казахстаны Т.Нурлан, нутагт нэгт Б.Батмагнай нарыг ялж, шигшээд өрсөлдөх эрх өвөртөлсөн. Улмаар аваргын төлөөх барилдаанд Казахстаны бөхийг цэвэр ялж, хошой аварга болов.