Монголын сүмоч Г.Базарсад буюу Мооконами Сакаэ энэ өдөр мэндэлжээ. Өдгөө 32 нас хүрч буй тэрээр багаасаа л спортод элэгтэй байсан гэдэг. Сагсан бөмбөг тоглох сонирхолтой түүнд аав нь үндэсний бөхөөр барилдахыг зөвлөж, бөхийн дугуйланд явуулж байжээ. Харин 2001 оноос эхлэн сүмогийн ертөнцөд хөл тавьж таван жил хүч үзсэний эцэст 21 насандаа жүрёо зиндаанд харьяалагдаж эхэлсэн юм. Шаргуу хөдөлмөрийн үр шимээр макүчи буюу дээд зиндаанд Маэгаширагийн зургаагаас босч байсан нь хамгийн дээд амжилт нь гэж болно. Харамсалтай нь, бэртэл гэмтэлтэй байсан сүмоч маань 2011 онд зодог тайлсан билээ.