ОХУ-ын Приморийн хязгаар дахь тусгай хамгаалалттай газрын Арумын бар, Тумир нэрт ямааны нөхөрлөлийн тухай мюзикл энэ сарын 17-нд Хабаровскийн хөгжмийн театрт гарч үзэгчдийн хүртээл болно гэж театрын албан ёсны сайтад бичсэн байна. 

“Амур, Тимур хоёр хэрхэн нөхөрлөсөн бэ” нэртэй мюзиклд нэгдүгээр сарын 26-нд амурын  баранд өдрийн хоол болгож өгсөн ямааг идэлгүй харин ч нөхөрлөж, өдөр шөнийг хамтдаа өнгөрүүлэн, ямаа нь барын оромжинд унтаж, бар өөрөө дээвэр дээр унтан хамт зугаалдаг тухай өгүүлэх юм байна.

“Амур бар, Тимур ямаа хоёрын ер бусын  нөхөрлөл нь дэлхий нийтийн анхаарлыг татсан болохоор анх удаа театрын тайзнаа амилуулж байгаа нь энэ. Энэ бол хоёр өөр амьтан, бүр дайсагнагчдын хоорондын үерхэл, хайр. Энэ түүх яаж эхэлсэн,  ямар шалгуур давсан, яаж нөхөрлөсөн, ямар адал явдал туулсан зэрэгт энэ мюзикл хариу өгнө” гэж театрын мэдээлэлд дурджээ.  
Нэгэнтээ Амур бар тимурыг алгадсанаас бэртэл авч, одоохондоо хоёр амьтан тус тусдаа байранд байгаа юм байна.