“Оддын дайн”-ы долдугаар анги буюу “Хүч сэргэсэн нь” кино MTV авардсын тэргүүн шагналын эзэн болжээ. Харин шилдэг дүрийн эзнээр Леонардо Ди Каприо шалгарсан аж. “Шилдэг кино” номинацид “Оддын дайн”-тай “Эра Альтроны өшөө авагчид”, “Роккигийн өв”, “Гудамжны дуу” зэрэг кино өрсөлдсөн бол Ди Каприотой Крис Пратт, Мэтт Дэймон, Майкл Бакари,  Райан Рейнольдс, Уилл Смит нар өрсөлджээ. “Оддын дайн буюу Хүч сэргэсэн нь” 16 долоо хоногийн турш “Вох office”-г тэргүүлж, 2,063 тэрбум ам.долларын ашиг олжээ.  Кино урлагийн түүхэнд “Аватар” 2,788 тэрбум ам.долларын орлогоор нэгт, хоёрт Титаник 2,186 тэрбумаар ашиг орлогоороо тэргүүлсээр байгаа юм.