Стэнфордын их сургуулийн профессор, удирдаач Жин Дон Кей УДБЭТ-ын урилгаар өчигдөр Монголд ирлээ. Энэ удаа маэстро манай симфони оркестр, “Морин хуур”-ын чуулгын уран бүтээлчидтэй “Оддын дайн”, “Театрын сүнс”, “Муурнууд” зэрэг сэтгэлд хоногшисон бүтээлийн хөгжмөөр хийх Симфони найрал хөгжмийн концерт болон долдугаар сарын 1-нд тавигдах “Жизель” балетыг удирдан тоглуулах юм. Тэрбээр өмнө нь манай оронд ирж Монголын театрын нүүр царай болсон “Кармен”, “Аида” дуурь, “Хунт нуур” балетын хөгжмийг удирдан тоглуулж байсан удаатай. Тэрээр өнөөдрөөс симфони оркестртой тоглолтынхоо бэлтгэлийг эхэлнэ.