Италийн Сардини арал дээрх Оллолай хамтралын захиргаа хүмүүсийг нүүн шилжихээс сэргийлж эзэнгүйдсэн барилгуудыг хамгаалахын  тулд байшинг санаанд оромгүй хямд үнээр худалдааар шийдвэрлэжээ. Энд байшинг нэг еврогоор худалдаж байна гэж орон нутгийн хэвлэлүүд бичиж байна.

Ганцхан ийм хямд үнээр худалдаж авсан хүн байшингаа засахын тулд багагүй хөрөнгө зарах шаардлагатай болох юм байна. Ийм байдлаар нэг еврогоор байшин худалдан авсан анхны хүн нь тийм ч том биш бизнес эрхэлдэг Вито Казуло гэгч болсон байна.

“Хуучны түүхэн энэ хөрөнгө надад таалагдаж байна. Найзууд маань энэ талаар маш их асууж сурж байна. Ялангуяа гадаадад амьдардаг, Италидаа эргэж ирэхийг хүсч байгаа хүмүүс сонирхож байна. Оллолай бол амьдарч, ялангуяа өндөр настнууд амьдрахад хамгийн сайхан газар шүү дээ” гэж тэр ярьжээ.