Зохиолч Ж.К.Роулингийн “Харри Поттер” зөгнөлт зохиолыг “Варнер Брос” кино компани дэлгэцийн бүтээл болгосон нь олон мянган үзэгчийг байлдан дагуулсан. Долоон цувралын дараа киноны үйл явдал төгсөхөөс өөр аргагүйд хүрч, “Harry Potter: Deathly Hallows (part 2) 2011 онд дэлгэцэнд гарснаар үзэгчидтэйгээ салах ёс хийгээд байсан билээ.
Тэгвэл “Харри Поттер” цуврал энэ оны арваннэгдүгээр сард үзэгчидтэйгээ ахин учрах нь. “Fantastic Beasts and where to find them” хэмээх өмнөх ангиудын эхлэл түүхийг өгүүлэх гурвалсан зохиолын эхний анги энэ жилийн сүүлээр дэлгэцнээ гарахад бэлэн болоод байгаа аж. “Нью-Йоркийн ид шидийн яамнаас оргосон шулмыг зохиолч Ньют Скамандер хэрхэн барьж байгаа талаар өгүүлдэг 70 жилийн тэртээ бичигдсэн адал явдалт номыг Харри Поттер Хогвартс дахь өрөөндөө уншин сууна”... Киноны үйл явдал ингэж эхлэх аж.

Harry Potter: “Fantastic Beasts and where to find them” уран сайхны киноны гол дүрийг жүжигчин Эдди Рэдмэйн, Кэтрин Уоттерстон, Дэн Фоглер, Элисон Судол нар бүтээжээ. Тус киноны хоёрдугаар анги 2018 онд, төгсгөлийн анги 2020 онд дэлгэцэнд гарах төлөвлөгөөтэй байгаа гэнэ. “Харри Поттер”-ын төгсгөл ирсэнд харамсч байсан  үнэнч үзэгчид нь энэ мэдээг дуулаад баярлах нь дамжиггүй.