Олон улсын жүдо бөхийн холбооноос гаргадаг жүдочдийн чансаа шинэчлэгджээ.  Энэ удаа гавьяат тамирчин Г.Болдбаатар 2071 оноогоор тэргүүн байраа эргүүлэн авлаа. Тэрээр Бакугийн их дуулгын өмнө жиндээ тавдугаар байрт байсан бол их дуулгад түрүүлэн 500 оноо авснаар ийн тэргүүлж эхэллээ. Гавьяат тамирчин М.Уранцэцэг 3134 оноогоор тасархай тэргүүлсээр байгаа бол -57 кг ийн жинд гавьяат тамирчин Д.Сумъяа 2751 оноогоор тэргүүлж байна. Ийн манай гурван гавьяат жингээ өнгөлсөөр.
Олимпын оноо хаагдахад хоёр тэмцээн үлдээд буй нь ирэх долоо хоногт болох Алмата Гранпри болон хамгийн сүүлийн хамгийн чухал, хамгийн нэр хүндтэй тэмцээний нэг Дэлхийн мастеруудын тулаан юм. Мастеруудын тулаан энэ сарын 27 нд Мексик улсад болно. Түрүүлсэн тамирчин 700 оноо өвөртлөж чансаагаа ахиулна. Манай шигшээ багийн тамирчид 14 жингийн 12-т нь эрхээ аваад байна. Дээрх хоёр тэмцээнд үлдсэн хоёр эрхээ авч бүтэн багаараа олимпыг зорих зорилт тавин ажиллаж байна.