Пакистаны нэг нь 13, нөгөө нь 9 настай хоёр хүүг хүмүүс “нарны хүүхэд” хэмээн нэрийдэж бүр дасчээ. Шоаиб Ахмед, Абдул Рашид нэртэй энэ хоёр жаал өдрийн цагт бол ерийн л байдаг  атлаа нар шингэмэгц л хоёулаа хэвийн байдлаа алдаж, ярьж, хөдөлж ч чадахгүй болдог гэнэ. Тэр бүү хэл нүдээ ч нээж чаддагүй болдог байна.
Тэгээд л дахиад өглөө болоход зүв зүгээр болж босоод ярьж хөөрч, инээж эхэлдэг ерийн үед бол хөгжилтэй, эрч хүчтэй жаалууд гэнэ.

Эмч нар энэ сонин “өвчний” учрыг тайлж, оношилж чадахгүй нийслэл Исламабад руу  шинжилгээнд явуулсан ч тусыг эс олоод цусыг нь гадаадад шинжлүүлэхээр илгээжээ. Улмаар мэргэжилтнүүд тэдний шээс, тэр тосгоны агаарыг хүртэл шинжилж байгаа гэнэ.

Жаалуудын эцэг эх хоёр нь үеэл ах дүү, тэдний зургаан хүүхдийнх нь хоёр нь бүр багадаа нас барсан, нөгөө  хоёр нь болохоор эрүүл юм байна.
Хүүхдүүдийн аав Мохаммад Хашим  жаалуудынхаа тухайд “Эд маань нарнаас энерги авдаг байх гэж би боддог” гэж ярьжээ. Гэхдээ хүүхдэд нар чухал нөлөөтэ:й ч гэсэн тэд өдөртөө харанхуй тасалгаанд ч, гадаа бороо орж бүрхэг байхад ч зүгээр байдаг болохоор эмч нар үүнийг бас зөвшөөрөхгүй байгаа юм байна.