Америкийн Аризона мужийн нутагт маш хурц гэрэлтэй том солир уналаа гэж америкийн сансрын орон зай судалгааны удирдах газар НАСА мэдээллээ. Хамгийн сүүлд сансрын энэ биет Тонтогийн үндэсний цэцэрлэг хүрээлэнгийн дээр 35 км-т дуран авайд харагдаад үзэгдэхээ больсон гэнэ.

Эрдэмтдийн хэлж байгаагаар солир асар хурц гэрэлтэй, ажиглалтын дуранд нэл гэрэл харагдаж байсан болохоор яг унаж байгааг нь харах боломжгүй байсан гэжээ. Цагт  64,7 мянган км-ийн хурдтай нисч явсан солирын эрчим хүч нь 10 килотоннтой тэнцэхээр байсан нь ОХУ-ын Челябинскт унасан солирынхоос 40 дахин илүү хүчтэй байсан гэнэ.

Энэ үзэгдлийг нүдээр үзсэн хүмүүс солир бараг гурван метр орчим диаметртэй байсан гэж байна. Солир унах үеэр ямар нэгэн гамшиг болж хүн, байшин барилга гэмтээгүй гэжээ.