ОХУ-ын Алтайн хязгаарын 50 рэпер бүс нутгийнхаа авлигачдыг эсэргүүцсэн ролик бэлтгэж ерөнхийлөгч Владимир Путинд илгээн энэ асуудалд анхаарлыг нь  хандуулснаа дээд амжилтын Гиннесийн номд бүртгүүлэхээр зэхэж байна гэж продюссер Александр Зонов нь РИА Новости агентлагт мэдээлсэн байна.

Түүнийхээр бол энэ роликийг “Хип-хоп их хурал” арга хэмжээний хүрээнд бэлтгэжээ.
“Бид мэдүүлгээ дээд амжилтын Гиннесийн номд илгээгээд байгаа. Хэрвээ роликт 100 дуучин оролцож, 45 минут үргэлжилбэл бид хамгийн урт ролик, хамгийн олон хүн оролцсон гэсэн хоёр дээд амжилтын эзэн болно. Бидний хамгийн гол зорилго бол авлигын асуудлыг ерөнхийлөгч Путинд хандаж тавих” гэж Зонов хэлжээ.

Ийм ролик бэлтгэх санаа Бийск хотод 2010 онд болсон сонгуулийн дараанаас төрсөн гэнэ. Тэгэхэд хотын даргад нэр дэвшигч Андрей Нагайцев өөрийн өрсөлдөгч “Нэгдмэл Орос”-оос нэр дэвшигч Анатолий Мосиеьскийгоос ердөө 70 саналаар дутаж ялагдсан юм байна. Санал хураалтын протокол будлиантай болсон гэсэн Нагайцемын гомдлоор ОХУ-ын Дээд шүүх хянан үзээд сонгуулийн дүнг өөрчилж хотын удирдлага өөрчлөгдсөн байна.