Якутын эмч нар өнгөрсөн ням гарагт битүү тайгад хүүхэд эх барьж аван харин онцгой байдлын албаныхан хүүхдээ төрүүлж байгаа бүсгүй, эмч нар болон шинэ төрсөн хүүхдийг хамгаалан баавгай үргээх хэрэг гарсан байна.

Албаны мэдээгээр бол 40 долоо хоногтой жирэмсэн бүсгүй загас барихад нь нөхөр, төрөл төрөгсөддөө туслахаар явсан юмсанж. Битүү тайга дахь нууранд очоод загасчилж байтал эмэгтэй төрөхөөр өвдөж эхэлж. Нөхөр нь эгчтэйгээ хамт бүсгүйг эмнэлэгт хүргэхээр машинаар явсан боловч машин нь намагт шигдээд зогсчихжээ. Нөхөр нь замаар гүйж бүсгүй машиндаа үлдсэн ч гар утсаар холбоо барьснаар онцгой байдлынхан, эмч нар, цагдаагийнхантай ирсэн байна.

Эмч нар бүсгүйн хүүхдийг төрүүлэн эх барьж байх үед онцгой байдлын албан хаагчид, цагдаагийнхан ойролцоо архирч байгаа хүрэн баавгайг хөөн холдуулж байжээ.  Улмаар бүсгүй, шинэ төрсөн хүүхдийг Мирниний районы төв эмнэлэгт хүргэж, одоо эх хүүхдийн бие сайн байгаа гэсэн байна.