Украины нийслэл Киев хотын нэгэн иргэний Чита нэртэй муур Днепр мөрний нэг эргээс нөгөө эрэг дэх гэрээдээ 30 хоног аялж хүрсэн байна. Муурын эзэн Натальягийн хэлснээр бол муураа мөрний зүүн  эрэг дэх Троещин суурин дахь өөрийн хамаатандаа өгсөн юм байна.

“Би муураа эргээд ирэх юм гэж огт санаагүй, зүгээр л тэдэндээ өгчихсөн юм” гэж Читагийн эзэн ярьжээ.
Гэтэл муур нь баруун эргийн Виноградарь тосгонд яг сарын дараа эргээд иржээ. Наталья харин муураа Днепр мөрнийг хэрхэн гаталсан, яаж машин дор орчихоогүйг гайхаж байна. Хөөрхий муур бүр эцэж турчихсан, өлсчихсөн ирснийхээ дараа гурав хоног хөдлөлгүй унтжээ. “Дараа нь тэр гадагшаа ч гарахгүй байсан” гэж эзэн нь ярьжээ.