Кино уран бүтээлч, сонирхогчдын авъяас чадвар, ур ухааныг 48 цагийн дотор шалгадаг богино хэмжээний шилдэг кино хийж шалгаруулах “48 цаг” кино наадам долоо дахь жилдээ болох гэж байна. Тус наадмын бүртгэл энэ сарын 29-ныг хүртэл үргэлжлэх аж. “48 цаг-Монгол 2016” наадмын шилдгээр шалгарсан бүтээл ирэх оны гуравдугаар сард АНУ-ын Сийтл хотод болох “Filmapalooza” буюу “48 цаг” олон улсын наадамд оролцож дэлхийн 150 орны киночидтой шилдгийн төлөө өрсөлдөх боломжтой болох гэнэ.