Британийн Брайтон хотын шинэхэн иргэн Жуниора Кокс-Нуну  долдугаар сарын 30-нд төрсөн, одоо есөн  долоо хоногтой нэгэн. Жаал хүү ерийн л нэгэн боловч толгойдоо ер бусын урт, ширүүн үстэй нь л олны анхаарлыг татдаг байна.

Хүүгийн ээж Челси хүүгээ усанд оруулчихаад үсийг нь хатаах гэж багагүй ажил болдог гэжээ.

Дэлгүүр худалдааны төвүүдээр явахад хүртэл бараг л хоёр хүний нэг нь саатаж жаал хүүтэй танилцах гэж ярьж хөөрч  нэлээд цаг бардаг гэнэ.
Жуниор төрөхдөө ч ер бусын том, 4,5 кг жинтэй төрж, эмч нараас “баавгайн бамбарууш” гэсэн нэр авсан гэнэ.

Түүний ээж, үсчнээр ажилладаг 32 настай Челси Нун хүүгээ төрөхдөө л ийм их үстэй төрсөн гэж байна.
“Хүүгээ тэврээд дэлгүүр явах л бараг л хүн бүр гайхаж, орйтон ирээд яриа өдөж хүүгий маань сонирхдог юм. Зарим нь бүр үсийг нь илж энхрийлэхийг яана гээч. Хүү маань ч үүнд дуртай” гэж ярьжээ.

Жирэмсэн байхдаа Челсигийн цээж нь их хорсдог байсан юм байна. Ардын үгэнд ургийн  үс их ургавал эхийн нь цээж их хорсдог гэсэн үг байдаг нь үнэн бололтой.