20 илүү шашин шүтдэг, нэг тэрбум гаруй хүн амтай Энэтхэг улсад шашны гайхамшигтай олон сүм хийд бий. Тэдний нэг нь Андхра-Прадеш мужийн Лепакши тосгонд байдаг уран хийц бүхий сүм. Бүр XYI  зуунд Вееранной,  Вирупанной гэдэг ах дүү хоёрын барьж байгуулсан гэх энэ сүмийн ганц гайхамшиг нь эдний уран хийцтэй 69  багана нь газраас хөндий.

Орон нутгийн аялал жуулчлалын хөтчүүд нь жуулчдад зориулан багануудын доогуур сонин, алчуур хийж үнэхээр газраас хөндий болохыг нь харуулдаг гэнэ.

Олон жилийн туршид эрдэмтэн судлаач, шинжээчид газраас хөндий энэ багануудын нууцыг тайлах гэж оролдсоор байгаа ч  ямар ч үр дүнд хүрээгүй л байна.

Энэтхэгийг колончилж байхдаа британийн инженерүүд баганыг байгаа газраас нь хөдөлгөх гэсэн ч чадаагүй гэдэг.

Ингээд л өнөө хүртэл орчин үеийн технологийн эзэн болсон шилдэг инженерүүд ч татах хүчний хуулийг "зөрчин", агаар хөндий орших багануудын нууцыг тайлж чадаагүй байна.