Өвөрмонголын Шилийн гол аймагт монгол бөхийн аварга шалгаруулах “Алтан бүс”-ийн төлөөх анхдугаар олон улсын тэмцээн 2014 онд болж байсан билээ. Анх удаа зохиогдсон тэмцээнд улс, аймгийн цолтой 30 гаруй бөх очиж барилдсанаас Ч.Санжаадамба түрүүлж, Б.Пүрэвсайхан үзүүрлэж байсан удаатай. Харин өнгөрсөн жил болсон тэмцээнд П.Бүрэнтөгс түрүүлж “Алтан бүс”-ийн эзэн болж байсан юм. Тэгвэл энэ жил гурав дахиа зохиогдох “Алтан бүс”-ийн төлөөх барилдаан ирэх сарын 5-нд ӨМӨЗО-ы Шилийн гол аймагт болохоор тов нь гарсан байна.