Их эзэн Чингис хаан мэндэлсний 854 жилийн ой буюу Монгол бахархлын өдөрт зориулсан улс, аймгийн алдар цолтой, чансаа өндөртэй шилдэг 128 бөхийн барилдаан энэ сарын 31-нд Монгол бөхийн өргөөнд болно. Харин ирэх сард гурван ч барилдаан болох тов гарсан байна.

Тухайлбал, ирэх сарын 5-нд Увс нуур дэвжээний намрын нээлтэд зориулсан Х.Баянмөнх аваргын нэрэмжит, Улс, аймгийн алдар цолтой 224 бөхийн барилдаан болох бол ирэх сарын 13-нд Хантайшир дэвжээ үүсэн байгуулагдсаны 15 жилийн ойд зориулсан Улс, аймгийн алдар цолтой 224 бөхийн барилдаан болох нь. Мөн ирэх сарын сүүлээр буюу 20-нд Дархан аварга Б.Түвдэндоржийн мэндэлсний 100 жилийн ойд зориулсан Улс, аймгийн алдар цолтой 224 бөхийн барилдаан тус тус болох аж.