Турк улсын Чорум хотод энэ сарын 25-нд эхэлсэн эрэгтэй ХII, эмэгтэй IХ дэх удаагийн оюутны чөлөөт бөхийн ДАШТ-д эрэгтэйчүүдийн 61 кг-д барилдсан ҮБТДС-ийн бөх, спортын дэд мастер, оюутны УАШТ-ий хүрэл медальт, Азийн элсний спортын наадмын аварга, ОУХМ Д.Балжинням хүрэл медаль хүртжээ. Энэ тэмцээнд 34 орны 600 орчим оюутан бөх эмэгтэй, эрэгтэй чөлөөт бөх, сонгомол барилдааны төрөлд өрсөлдөж байгаа юм. Өмнө нь манай улс оюутны ДАШТ-ээс эрэгтэй чөлөөт бөхийн төрлөөр дөрвөн алт, нэг мөнгө, зургаан хүрэл, эмэгтэй чөлөөт бөхийн төрлөөр таван алт, хоёр мөнгө, нэг хүрэл медаль хүртэж байсан удаатай. Тус тэмцээн энэ сарын 30-нд өндөрлөнө.