Нийт 50 мянган ам.долларын шагналын сантай “ASUS ROG MASTERS” тэмцээн дөрвөн өдрийн турш Малайзын Куала Лампур хотод болж өчигдөр аваргуудаа тодрууллаа. Аваргын төлөөх тоглолтод Монголын TheMongolz.CS болон Сингапурын DreamScape баг учраа таарч тоглосноос 16:4, 16:12, 16:13-аар буюу илт давуу 3:0 гэсэн харьцаатайгаар манай баг хожил байгуулсан байна.
Улмаар TheMongolz.CS 23,750 ам.доллар, Сингапурын баг хоёрдугаар байрт орсон амжилтаараа 11250 ам.доллар хүртжээ. Дашрамд сонирхуулахад, дээрх хоёр баг тэмцээнд нэг ч хожигдолгүйгээр аваргын төлөө тоглосон юм.