“Монгол тулгатны 100 эрхэм” нэвтрүүлгийн хөтлөгч, продюссер П.Анужин өөрийн сонирхлын дагуу өөрийн нэрийн брэндээ гаргах болсноо зарлаж байсан. Тэгвэл тэрээр тун удахгүй өөрийн бүтээлүүдээр загварын шоу хийх гэнэ. Тэрээр “Би ер нь ойрын ирээдүйд загварын шоугаараа үзэгчидтэйгээ уулзана. Гэхдээ өөрийн бие даасан загваруудыг хийнэ гэдэг бол маш их хөдөлмөр шаарддаг. 30-40 загвар үзүүлнэ гэдэг тийм амар зүйл биш. Энэ бол миний хөгжүүлэхийг зорьж буй салбар учраас үндэсний хувцас дээлийг 21 дүгээр зуунд хэрхэн өмсөх вэ гэдгийг тодорхойлоход хувь нэмрээ оруулахыг зорьж байна. Намба аалийг нь алдагдуулахгүйгээр, тайрч богино болгохгүйгээр мөн цээж бэлхүүсийг нь хэт бариу болгохгүй хэрхэн орчин үеийн мөртлөө үнэтэй гоё загвар бүтээх вэ гэж бодож явдаг” хэмээн ярьсан байна.