XYIII зууны үед нас барсан гэж үздэг аварга том эмэгтэйн араг ясыг судалсан Польшийн эрдэмтэд бүрэн хэмжээний тайлангаа хэвлүүлсэн байна. 215,5 см өндөртэй энэ эмэгтэйн араг яссыг 1977 онд Полшийн Острув-Ледницкий хотын ойролцоох дундад зууны сүмийн дэргэд малтлага хийх үеэр олсон юм. Эрдэмтэд эмэгтэйн нэрийг тодруулж чадаагүй ч түүний үхсэн шалтгааныг олж тогтоожээ.

Өнөөдөр нэг их том гэж тооцохгүй ч тухайн үедээ аварга том байсан энэ эмэгтэй өсөлтийн гормоны ихэдлээс болж гигантизм өвчнөөр өвчилсөн байсныг ясыг нь шинжлэхэд тодорхой болжээ. Ийм ч учраас тэр эмэгтэй залуудаа нас барсан, нурууны яс нь муруйж, гар хөл нь хугарсан ул мөртэй байсан гэнэ. Хэт том биетэйгээс түүний яс нь хэврэг, биеэ даахгүй хугарч гэмтэж байсан гэж эрдэмтэд үзсэн байна. Өөр ч бас олон төрлийн архаг өвчтэй байсан гэжээ.