Рио-2016 олимпын хүрэл медальт Г.Отгонцэцэг энэ жил дэлхийн шилдэг жүдочоор шалгарсан дахин баярт мэдээ дуулгасан нь Казахстаны жүдо бөхийн УАШТ-д  түрүүлжээ. Ингэхдээ тэрээр учраа бөхчүүдээ цэвэр ялж өөрийн чансаагаараа илүүрхэж хошой аварга болжээ.

Тэрээр өнөө жил оролцсон тэмцээн бүрээсээ медаль хүртсэн. 2016 онд олимпын наадам, Азийн аварга шалгаруулах тэмцээн, Их дуулга гээд олон улсын 10 тэмцээнд зодоглож, бүгдээс нь медаль хүртсэн. /5 алт, 2 мөнгө, 3 хүрэл/ Одоо оны сүүлийн тэмцээн болох Токиогийн Гранприг зорихоор бэлтгэлээ базааж байна. Харин түүний багш Д.Энхбаатар энэхүү улсын аварга шалгаруулах тэмцээний дараагаас Казахстаны жүдо бөхийн эмэгтэйчүүдийн ахлах дасгалжуулагчаар ажиллахаар гэрээ байгуулсан юм.