Disney студи өөрийн бүтээл “Моана” хүүхэлдэйн киноныхоо нэрийг италийн нэгэн порно жүжигчний нэрээс болоод тус улсад өөрчилж “Арлынхан” гэж нэрлэхээр шийджээ.

Италидаа ид алдаршиж нэр нь түгэж байгаад 1994 онд 33 насандаа өөд болсон Моана Поцци нэртэй порно жүжигчний нэртэй адил нэртэй байснаас болоод ийн өөрчлөхөд хүрсэн байна.

Disney Italia студи одоогоор ямар нэгэн тайлбар хийгээгүй байгаа бол Калифорни дахь Disney-н эх сурвалж бид өөрийн киноныхоо нэрийг янз бүрийн шалтгаанаас болоод байнга сольдог юм гэжээ.
Харин өөр нэг эх сурвалж болохоор Ансид болсон хүүхэлдэйн киноны олон улсын наадмын үеэр найруулагч нь талийгаач болсон порно жүжигчний нэрээс болоод киноныхоо нэрийг солихоор шийдсэн гэж мэдээлсэн байна. Энэ кино Европын бусад улс орнуудад “Ваяна” нэрээр гарах юм.

Номхон далайн бүсийн нэгэн ард түмнийг аврах гэсэн ширүүн тэмцэл, аялалд хагас бурхан Мауи тусалж байгаа тухай гарах энэ киноны гол дүр нь Моана гэдэг гүнж юм байна.