Байна, байх байхдаа, бидний гайхаад, шагшаад  байдаг АНУ-д байна. Америкийн Теннеси мужийн Элизабетон хотын нэгэн иргэн зар мэдээний Craigslist сайтад хүүхэд худалдана гэсэн зар байна хэмээн цагдаагийн газарт мэдээлсэн байна.

 Цагдаагийнхан худалдан авагчийн дүрээр  зар өгсөн хүнтэй утсаар ярихад эрэгтэй эмэгтэй хоёр хүн таван сартай хүүхдээ 3000 доллараар зарна гэжээ.  Ингээд уулзах газраа тохиролцон цагдаагийн ажилтнууд хүүхдийг аваад борлуулагчид 3000 доллар өгөөд, тэр дор нь баривчилжээ.

Хүүхэд наймаалагчид нь 37 настай Деанна Линн, 26 настай Жон Кейн нар байсан гэнэ.

Хүүхэд өнөөдөртөө цагдаагийнхны халамжид байгаа ч хүүхдээ наймаалагчдын эцэг эх байх эрхийг хассаны дараа яахыг шийдвэрлэнэ гэж Цагдаагийн дарга Пэт Хэнкинс хэлжээ.