Францын сансрын анагаах ухаан, физилогийн хүрээлэн орноос босолгүй 60 хоног хэтэж чадах хүнд 17 мянган еврогийн шагнал амлаж байна. Энэ туршилт нь  хүний бие организм татах хүч багатай орчинд  хэрхэн дасан зохицохыг судлах зорилготой, сансарт хүн нисгэхээс хамаагүй хямд гэнэ.

Францын эрдэмтэд энэ туршилтад тамхи татдаггүй, эрүүл 24-45 насны эрчүүдийг шалгаж авахаар зарлажээ. Эхлээд тэднийг хоёр долоо хоногоор хэвтүүлж турших юм байна.
Дараагаар нь туршилт жинхэнэ 60 хоногоор үргэлжилнэ. Энэ хугацаанд эрчүүд орондоо унд хоол идэж ууж, бас хэвтээгээрээ бие засна. Хамгийн гол нь туршилтад оролцогч зөвхөн нэг тйишээ харж хэвтэх ёстой гэнэ. Энэ үеэр цусны даралт буурах, булчин сулрах зэрэг нөлөөлөл үүснэ.

Туршилтад  оролцох хүсэлтэй хүмүүсийн мэдүүлгийг тус хүрээлэн өөрийнхөө сайтаар дамжуулан авч байгаа юм байна.