Энэтхэгийн Ражасхан мужийн Жодхпур хотод аялж явсан нэг жуулчин кобра могойг ихэд сонирхон барьж байгаад зургаа татуулах гэсэн чинь могой хүзүүг нь хазсан байна. Залуу хэдхэн минутын дараа ухаан алдаад нэг цагийн дараа нас баржээ. Ямар төрлийн кобра байсныг мэдээлэлд дурдаагүй ч энд энэтхэгийн кобра гэж нэрлэгдсэн шилэн нүдэт кобра элбэг байдаг юм байна.

Энэ оны хоёрдугаар сард Энэтхэгийн Мумбай хотод Сломнат Мхатрын амьтны хүрээлэнгийн ажилтан мөн кобра могойг үнсэж байгаад зургаа татуулах гэснийхээ төлөө  хазуулан амь алдсан тохиодол гарч байсан юм.