Орц: Зуурмагт:
ус 150 мл
өндөг 2 ш
гурил 450 гр
давс 1 ц/х
Шанзанд: төмс 4-6 ш
цөцгийн тос 50-70 гр
давс
нунтаг хар перец
Хачирт: сонгино 2 ш
ургамлын тос
цөцгий
1.Гурил дээр давс, өндөг, бага зэрэг ус нэмж зуурна. Усаа бага багаар нэмж зуураад, эвлэтэл нь хэсэг нухаж өгнө.
2.Зуурмагийг гялгар уутанд ороож, тасалгааны хэмд 30 минут байлгана.
3.Төмсийг хальсалж, үрүүлд үрээд давс нэмж хутгана. 3 минутын дараа төмсөө базаж аваад перец, цөцгийн тос нэмж хутгана.
4.Зуурмагийг баншны гурил шиг тасдаж элдээд, бэлтгэсэн төмсний шанзнаас хийж чимхэнэ.
5.Сонгиныг ургамлын тосонд хөнгөхөн хуурна.
6.Чимхсэн баншнуудаа буцалж буй давстай усанд хийж 4 минут чанана.
7.Болсон баншаа шарсан сонгины хамт таваглаад, дээгүүр нь цөцгий дусааж ширээнд өгнө.