Нийслэлийн Соёл, урлагийн газар Д.Нацагдоржийн нэрэмжит Улаанбаатар хотын нийтийн төв номын сантай хамтран “Номоо солилцъё” өдөрлөгийг өнгөрсөн нэгдүгээр сараас эхлэн амжилттай зохион байгуулж буй билээ. Нийслэлийн иргэд цуглаж өөрт байгаа номоо сарын хугацаатай бусадтайгаа солилцож уншихаар эхлүүлсэн тус өдөрлөг сар бүрийн эхний долоо хоногийн бямба гарагт уламжлал болон зохион байгуулагддаг байгаа. Энэхүү уламжлалынхаа дагуу ирэх сарын 3-ны бямба гарагт Сүхбаатарын талбайд болох гэж байна. Энэ удаагийн “Номоо солилцъё” өдөрлөгийг Улаанбаатар хотын музей, Нийслэлийн Улаанбаатар чуулга дэмжин ажиллахаар болжээ. Тиймээс номоо солилцохоор хүрэлцэн ирсэн эхний 100 хүнд бэлэг бэлдсэн байгаа гэнэ шүү.