Их Британийн Кардиффе хотноо болсон дэлхийн дуурийн залуу дуучин шалгаруулах “Дэлхийн дуучин” уралдаанд оролцсон Монгол Улсын гавьяат жүжигчин, дуучин Г.Ариунбаатар эл уралдааны “Романс” номинацын тэргүүн байрыг эзэлсэн байна.

Одоо ОХУ-ын Буриад Улсын академик театрт дуулж байгаа тэрээр нийт арван дууг орос, монгол, немц, франц хэлээр дуулжээ.

“Дэлхийн дуучин” уралдаанд манай гаригийн өнцөг булан бүрээс ирсэн шилдэг 20 дуучин дөрвөн хэсэг болон дуулж өрсөлдсөн юм. Эцсийн шалгаруулалтад хэсэг бүрээс нэг дуучин, зохион байгуулагчын урилгаар өөр нэг нийт таван дуучин үлдэн өрсөлдсөн байна. Г.Ариунбааатр нэгдүгээр хэсгээс шалгаран эцсийн шалгаруулалтад Шотландын Катриона Морисон,  Австралийн  Кан Ван,  америкийн  Энтони Кларк Эванс,  английн  Луиз Эдлер нартай өрсөлдсөн юм байна. 

Г.Ариунбаатар 2015 онд дуурийн дуулаачдын Чайковскийн нэрэмжит  олон улсын уралдааны “Гран при” шагнал хүртэж байсан юм.