НҮБ-ын ЮНЕСКО-гийн 2015 оны Ерөнхий Ассамблейн чуулганы тогтоолоор жил бүрийн 9 дүгээр сарын 20-ны өдрийг "Олон улсын оюутны спортын өдөр" болгон тэмдэглэн өнгөрүүлэхээр шийдвэрлэсэн. Энэхүү санаачилгыг Олон улсын оюутны спортын холбоо дэмжин, гишүүн холбоод, Засгийн газрын байгууллага, дээд боловсролын сургалтын байгууллагуудтай хамтран өнгөрсөн жилээс энэхүү өдрийг тэмдэглэн өнгөрүүлэхээр болсон билээ.
Өнгөрсөн жил Монголын оюутны спортын холбоо Азийн оюутны спортын холбоотой хамтран Улаанбаатар хотноо Ази тивийн оюутны аварга шалгаруулах сагсан бөмбөгийн тэмцээн зохион байгуулж энэхүү өдрийг тэмдэглэн өнгөрүүлсэн. Тэгвэл энэ жилээс эхлээд тус өдрийг Монгол Улсын бүх нутаг дэвсгэрийн хэмжээнд их, дээд сургуулийг хамруулан зохион байгуулахаар болсон байна.
Энэ хүрээнд спортын алдартнуудын уулзалт, семинар, спортын нөхөрсөг тэмцээн болохоос гадна Ховд их сургууль дээр орон нутгийн их, дээд сургуулиудын “Универсиад” наадам зохион байгуулахаар төлөвлөжээ.