Монголын жюүжицүгийн шигшээ багийн тамирчид энэ сарын 16-19 хооронд Туркместан улсын Ашхабад хотноо болж буй Азийн танхимын спортын V наадамд амжилттай оролцов. Жюүжицүгийн төрөлд 21 орны 251 тамирчид өрсөлдөж, Монгол Улсын баг тамирчид 1 алт, 3 мөнгө, 3 хүрэл медаль хүртсэн амжилт үзүүллээ. Тухайлбал, эмэгтэй үнэмлэхүй жинд Увс аймгийн харьяат, Гаруда клубын тамирчин Ц.Батцэцэг алтан медаль хүртсэн бол эмэгтэй -62кг жинд Б.Буяндэлгэр, -70кг жинд Ц.Батцэцэг, үнэмлэхүй жинд М.Сугар нар мөнгөн медаль хүртэв. Харин эрэгтэй -62кг жинд Ө.Эрдэнэбаатар, эрэгтэй контакт 85 кг жинд Т.Отгонзаяа, эмэгтэй +70 кг жинд М.Сугар нар хүрэл медаль хүртсэн юм.