Монгол Улсын Ерөнхийлөгчийн 2012 оны нэгдүгээр сарын 9-ний өдрийн 4 тоот зарлигаар Эзэн богд Чингис хааны мэндэлсэн огноог холбогдох ажлын хэсгийн дүгнэлт болон ШУА-ийнхны саналд үндэслэн албан ёсны болгож, билгийн тооллын өвлийн тэргүүн сарын шинийн нэгэн гэж тогтоосон билээ. Ингэхдээ уг өдрийг "Монгол бахархлын өдөр" болгон тэмдэглэн өнгөрүүлж байхаар болсон. Энэ жилийн "Монгол бахархлын өдөр" энэ ням гарагт тохиож буй. Тэгвэл энэхүү өдөрт зориулаад Монголын Театрын музей иргэдэд үнэ төлбөргүй үйлчлэхээр болжээ.