Мэргэжлийн сүмогийн 70 дахь ёкозуна Харумафүжи Д.Баямбадорж өөрийн хүсэлтээр зодог тайлахаар шийджээ. Энэ  тухай түүний багш, ояката Исэгахама өнөөдөр өглөө мэдэгдсэн байна. Харумафүжигийн зодог тайлах хүсэлтийг Исэгахама ояката өнөөдөр Японы сүмогийн холбоонд хүргэж өгөх аж. Нутаг нэгт   монгол сүмоч  Таканоива А.Баасандоржийг зодож, танхайрсан хэрэгт нэр холбогдсон ёкозуна Харумафүжи сүмогийн нэр хүндийг сэвтээсэн үйлдлийнхээ хариуцлагыг өөрөө хүлээж, ийнхүү зодог тайлахаар шийдсэн гэж Киодо агентлаг мэдээлсэн байна.