Японы мэргэжлийн сүмогийн 70 дахь аварга Харүмафүжи Д.Бямбадорж өөрийн хүсэлтээр зодог тайлахаар шийдсэн тухай нь хоёр хоногийн өмнө ояката Исэгахама мэдэгдсэн. Мөн энэ өдөр түүний хүсэлтийг Японы сүмогийн холбоонд хүргэж өгсөн билээ.
Намрын тойргийн барилдааны үеэр болсон зодооны талаарх хэргийг шалгаж дуусаагүй байгаа хэдий ч Японы сүмо бөхийн холбооноос Харүмафүжид ямар ч шийтгэл оноохгүй гэдгээ мэдэгдсэн байна. Түүгээр ч зогсохгүй ёкозүна цолтон зодог тайлахдаа авдаг мөнгө, шагналыг нь дүрмийн дагуу олгоно хэмээжээ.