Монголын үндэсний олимпын хорооны ерөнхийлөгч Д.Загдсүрэн Монголын цанын холбооны тамирчин Ч.Отгонцэцэг, А.Энхтуул, Б.Ачбадрах нарт тэтгэлэг гардуулжээ. Энэхүү тэтгэлэгт хөтөлбөрийг "Пёнчан-2018" өвлийн олимпын наадмын хөтөлбөрт багтсан, олимпын спортын гацаарчилсан төрлөөр хичээлэж буй, олимпод оролцох эрх авах чадвартай, цаашлаад олимпын наадмаас медаль хүртэх боломжтой тамирчдад дэмжлэг үзүүлэх зорилгоор ОУОХ-оос зарласан билээ. Уг хөтөлбөрт хамрагдаж буй тамирчин нь Спорт холбоо-МҮОХ-ОУОХ-той дөрвөлсөн гэрээг байгуулснаар 4 сар тутамд тэтгэлэг хүртэх бөгөөд тамирчин тус бүр 1800 ам.доллар, дасгалжуулагчид 1400 ам.доллар, бэлтгэл хангагчид болон бэлтгэл цугларалтын зардалд 3200 ам.доллар олгох гэрээтэй байдаг юм байна.