Монгол Улсын гавьяат жүжигчин, Зууны манлай дуучин Б.Сарантуяагийн амьдрал уран бүтээлийн тухай намтар романыг дотных нь анд яруу найрагч Р.Эмүжин бичжээ. Энэхүү ном нь өнгөрсөн оны арванхоёрдугаар сарын 28-нд "Хөх Монгол Принтинг" д хэвлэгдэж, өдгөө уншигч түмэнд хүрэхэд бэлэн болжээ. 1978-1984 онуудад Дархан хотноо амьдарч суралцаж байсан дуучин маань хүүхэд насаа дурсан номын баяраа Эмэгтэйчүүдийн баярыг тохиолдуулан энэ сарын 9-нд буюу баасан гарагт Дархан хотын "Эзэнт гүрэн" ресторанд 20 цагаас тэмдэглэхээр болсон байна. Номын баяраараа дуучин Б.Сарантуяа фэнүүдийнхээ сэтгэлд шингэсэн баяр баяслаар бялхсан хит дуунуудаа өргөн барих аж.